إنسان خايب
مدري وجع قلبي سببه الظروف
ولا وجع قلبي سببه الحبايب
ماغير بس اشعر بخوف
وماغير دمعي فوق خدي سكايب
يازين علمني ولا ماتشوف
من زود شوقي نار تلهب لهايب
خليتني من الأشواق ملهوف
اتلهف على شوفك وانت غايب
صرتلي قاسي وكنت ليا عطوف
من زود القسى صار القلب ذايب
كنت تتمتع بأحلى وصوف
والحين وصفي لك إنسان خايب
عذبتني ياصاح والجرح بالجوف
مافادني للجرح طب وطبايب
أتآلم وإنت بحالي ماتروف
حس فيني وإكفيني المصايب
مصيبتي لاصار الحال مكشوف
وش يفكني من عذالي والقرايب
لادروا عذالي جوني اصفوف
وتشمتوا فيني ووروني العجايب
والله عجب كيف صرت مكسوف
من زود غلبي مالي والله حسايب
ياصاح إصحى وخلني زينك أشوف
عشان تشفالي الجروح العطايب
من شيل همي إنحنتلي الكتوف
وانا بعمر الشباب والراس شايب
تبي الصراحة مانفع فيك معروف
ضحيتلك بالروح وتحملت النشايب
دام الغياب اصبح لك اليوم مألوف
بطيره حبك مع هبوب الهبايب
وسلامتكم
الشاعر:وليد السفياني.
فيلسوف الغرام
